ДЮРДЬОВ – Нєдавнo у Дюрдьове школяре висших класох Основней школи „Йован Йованович Змай” пошмарґали фасаду на школи и зоз спрейом виписали бридки слова на будинку. Попри тим, истей ноци пописали и будинок Предшколскей установи и, по словох гражданох, вецей хижи и авта. Як Рутенпрес дознава, у школским тоалету, даскельо днї после першого инцидента, розбити дзвери.
![](https://www.ruskeslovo.com/wp-content/uploads/2023/03/04-FB_IMG_1678056088453-large.jpg)
![](https://www.ruskeslovo.com/wp-content/uploads/2023/03/04-FB_IMG_1678056093898-large.jpg)
Шицки компетентни служби обвисцени о тих случованьох, а идентитет виновнїкох ше чува у тайносци, понеже су младши малолїтнїки.
Директорка Основней школи Любица Клепич у кратким коментару виражела нєзадовольство и розчарованє пре таке справованє школярох.
Фасада нєодлуга пребилєна, а трошки зношели виновнїки.
![](https://www.ruskeslovo.com/wp-content/uploads/2023/03/04-FB_IMG_1678055741214-large.jpg)