СОЛУН – Школяре напряму Туристично-готелиєрски технїчар, фаховей Штреднєй школи „Петро Кузмяк” з Руского Керестура, внєдзелю одпутовали на двотижньову фахову праксу до Солуну. Пондзелок 6. марца уж започали свойо активносци.
![](https://www.ruskeslovo.com/wp-content/uploads/2023/03/07-Kuzmjakovci-u-Solunu-z-Novakom-Djokovicom-large.jpg)
![](https://www.ruskeslovo.com/wp-content/uploads/2023/03/07-Skoljare-na-Fahovu-praksu-do-Solunu-large.jpg)
Школярох провадза професорки Анико Войчена и Рената Зорич, пракса будзе тирвац два тижнї, а реализує ше у рамику проєкта Еразмус плус – фахове образованє и обучованє.
Вельке намаганє и робота тиму керестурскей Школи, зоз потримовку Еразмус плус тиму Сербиї и одличним сотруднїцтвом зоз партнером на тим проєкту, Иподоми центром у Солуну, оможлївели же би уж на други завод, а тераз шеснацецеро найлєпши школяре достали нагоду усовершовац свойо знаня и схопносци на фаховей пракси у Солуну у Греческей.
![](https://www.ruskeslovo.com/wp-content/uploads/2023/03/07-fahova-praksa-u-Solunu-1-large.jpg)