САВИНЕ СЕЛО – Всоботу, 4. фебруара моцни витор вшадзи направел чкоди.
У Савиним Селу, моцни витор виважел и звалєл билу тополю (populus alba), хтора була под защиту.
Била тополя вецей як 150 роки стала на главней савиноселскей улїци, а под защиту є положена 1986. року и була од окремного значеня за очуванє биодиверзитету.
На розчисцованю стебла и конарох, хторе кед спадло заварло драгу и очкодовало обєкт прейг драги, участвовала екипа ЯКП „Комуналєц” з Вербасу, а з нїма у добродзечни огньогасци з места.