РУСКИ КЕРЕСТУР – Школяре керестурского оддзелєня Школи за основне музичне образованє (ШОМО) з Кули, вчера вечар у Велькей сали Дома култури отримали Концерт на законченю першого школского полрочя.
Концерт тиж бул и винчованка присутним з нагоди наиходзацих крачунских и новорочних шветох, а на нїм у 32-ох точкох наступели школяре од першей по шесту класу на инструментох на котрих уча грац. Шесцерим медзи нїма то бул и перши явни наступ.
![](https://www.ruskeslovo.com/wp-content/uploads/2022/12/19.12.2022.-Koncert-SOMO-AFM-3-large.jpg)
Попри солистох представел ше и хор школярох младшого возросту, Мали камерни состав як и Оркестер хтори провадзели їх наставнїки Ладислав Тамаши, Мирко Преґун и Мирон Сивч. Школярох пририхтала и наставнїца Геленка Гарвильчак а на клавире их провадзела Кая Мандич Плавшич.
![](https://www.ruskeslovo.com/wp-content/uploads/2022/12/19.12.2022.-Koncert-SOMO-AFM-28-1-large.jpg)
![](https://www.ruskeslovo.com/wp-content/uploads/2022/12/19.12.2022.-Koncert-SOMO-AFM-31-large.jpg)
![](https://www.ruskeslovo.com/wp-content/uploads/2022/12/19.12.2022.-Koncert-SOMO-AFM-37-1-large.jpg)