БАЧИНЦИ – Секция Дружтва за руски язик, литературу и културу у Бачинцох 27. септембра орґанизовала Литературне стретнуце у просторийох Парохийного дому нашей церкви у Бачинцох.
У програми участвовали парох бачински о. Дарко Рац, секретар Дружтва за руски язик, литературу и културу Ирина Папуґа, учителька Златица Сивч Здравич и дзеци хтори ходза на виронауку и хтори виучую руски язик у школи у Бачинцох. З тей нагоди школяром подзелєни кнїжки „Бешедуйме по руски” др Михайла Фейси.
Литературне стретнуце ше находзи у Календаре рочнїцох за 2019. рок, та так на прикладни способ означени 90 роки од народзеня Драґена Колєсара, ґлумца, режисера и театрaлного творителя, 110 роки од народзеня Михайла Ковача, учителя, писателя и култуpнoгo творителя и 170 роки од народзеня Янка Скубана, дописователя „Недилї” зоз Бачинцох.
Як гварел о. Дарко Рац, тото стретнуце источасно на одредзени способ и промовованє ученя руского язика и виронауки у нашим народзе.
Потримовку отримованю Литературного стретнуца у Бачинцох дал Покраїнски секретарият за образованє, предписаня, управу у национални меншини–национални зaєднїци.