НОВИ САД – У кампусу новосадского Универзитету нєшка и ютре будзе отримани седми Фестивал науки, чий тогорочни мото „Шицко можлїве”, а на хторим науковци нащивительом на интересантни способи представя науку.
На Фестивалє будзе коло 80 роботнї и вецей преподаваня и трибини, а на нїм участвую коло 500 виглєдоваче, наставнїки, студенти и волонтере зоз шицких факултетох и институтох у составе новосадского Универзитету. Шицки змисти безплатни.