КОЦУР – З нагоди Дня планети жеми, коцурске Културно-просвитне дружтво (КПД) „ДОК”, вєдно з Еколоґийним рухом з Вербасу, на вчерайшим литературним вечаре у Читальнї у Коцуре представело побиднїкох подобово-литературного конкурсу „Чловек и животни штредок през штири рочни часци”.
На конкурс сцигли 16 подобово роботи, литературни твори, лєбо фотоґрафиї, з хторих 9 сполньовали условия. Двочлена комисия – предсидатель КПД „ДОК” проф. др Михайло Фейса и предсидателька Еколоґийного руху Драґана Тепавчевич – за побиднїка конкурсу преглашела Дюру Шефера Сремца з Руми, за збирку литературних дїлох. Друге место освоєл Юлиян Неваляни з Коцура, за фотоґрафиї, а треце Слободан Стефанович з Беоґраду за литературни твор.
Побиднїки достали пенєжни награди и плакети, а Сремац на литературним вечаре читал твори з наградзеней збирки.
Як наявене, шлїдуюци конкурс Еколоґийного руху и КПД „ДОК” з тему еколоґиї будзе о защити водох.