НОВИ САД – Покраїнски секретарият за културу и явне информованє розписал конкурси з обласци култури за тот рок, медзитим, медзи нїма ище нє и конкурси на хтори конкурую нашо КУД, орґанизациї и здруженя.
Як информую зоз Секретарияту, конкурс за софинансованє видавательней дїялносци у АПВ у тим року, та за софинансованє програмох и проєктох у обласци защити нєматериялного културного скарбу и сучасней уметнїцкей творчосци националних меншинох-заєднїцох би мали буц розписани по доставаню ришеня о дозволи за державну помоц од Министрства финансийох, односно Комисиї за додзельованє державней помоци.
У Покраїнским секретарияту за културу и явне информованє обчекую же горе спомнута согласносц будзе достата у марцу, та вец буду розписани и конкурси.