СЕРБИЯ – Пензионере, нєзаняти особи, та заняти котри нє маю векшу плацу од 60 000 динари, того року маю нагоду достац ваучери од найвироятнєйше 5 000 динари за лєтованє у Сербиї. Ваучер годни похасновац у погосцительних обєктох и готелох, а циль того поцагу держави то розвой домашнього туризму.
– По углядзе на даєдни други держави, Влада рихта програми, а єдна з нїх то мири поривох за домашнїх туристох же би свой одпочивок препровадзели у Сербиї – гварела помоцнїца министра тарґовини, туризму и телекомуникацийох Рената Пиджо.
Акцию ше запровадзує у рамикох кампанї „Моя Сербия“, хтора почала вчера, а премиєр Сербиї Александар Вучич тиж поволал гражданох же би препровадзели одпочивок у Сербиї, визначуюци же вони вец можу раховац и на порцийни олєгчаня.