РУСКИ КЕРЕСТУР – Водицов камп за младих того року будзе од 8–11. авґуст. Камп почнє 8. авґуста попoладню, а закончи ше на нєдзелю, 11. авґуста.
На кампу можу участвовац млади oд шестей класи основней школи, а цена кампу 2.500 динари.
Госц на кампу будзе католїцка молитвова заєднїца зоз Заґребу „Ознова народзени“ („Nanovo rođeni“) котра будзе и предводзиц камп на тему „Вира без дїлох мертва“.
Шицки заинтересовани информациї можу достац при Клари Катрина +381 665365999 и Янкови Катонови +381 638021165.
Прияви мож пополнїц на линку котри мож найсц на Фейсбук боку Емаус Фест Руски Керестур по 31. юлий.