НОВИ САД – Покраїнски секретар за културу, явне информованє и одношеня з вирскима заєднїцами Мирослав Штаткич вчера бешедовал з директором Фестивалу „Еґзит” Душаном Ковачевичом.
Штаткич наглашел же дотерашнє сотруднїцтво и потримовка Покраїнскей влади „Еґзиту”, єдному з найпознатших музичних фестивалох, на хтори кажде лєто приходза на дзешатки тисячи млади з цалей Европи, та и швета, будзе предлужена и наступних рокох.
У розгварки участвовали и заменїк покраїнского секретара др Небойша Кузманович и о.д. директора Заводу за културу Войводини Смилька Влаїч.