КУЛА – На соботу, 13. октобра, у Крамеровей улїци у Кули од 8 по 20 годзин будзе отримани перши Фестивал квеца, на котрим наявене участвованє вецей як 40 викладачох зоз цалей Сербиї.
Попри предайней часци Фестивалу, будзе орґанизована културно-забавна програма котра почнє од 10 годзин. Любителє квеца буду мац нагоду опатрац и куповац по вигодних ценох продукти продуковательох и дистрибутерох квеца.
Заинтересовани викладаче ше можу приявиц у Канцелариї за локални економски розвой на телефонске число 025/729-650 од 7 до 15 годзин.
Орґанизатор Фестивалу Туристична орґанизация општини Кула, а покровитель Општина Кула.