РУСКИ КЕРЕСТУР – До рускокерестурскей дзецинскей заградки „Цицибан” Предшколскей установи „Бамби” з Кули за наступни школски рок уписане 131-но дзецко до цалодньового и полдньового пребуваня, а з нїх 21-но дзецко до Предшколскей пририхтуюцей програми.
Як за Рутенпрес гварела главна вихователька у керестурским Оддзелєню Емилия Костич, у одношеню на влонї уписани пецеро дзеци вецей, насампредз до яшелькових ґрупох, алє и пецеро дзеци менєй до предшколскей ґрупи.