ШИД – На вчерайшей схадзки Скупштини општини (СО) Шид вигласани буджет за 2019. рок з хторим утвердзени вкупни приходи 1.488.827.4000 динари, чечуца буджетска резерва виноши 30 милиони динари, а стаємна резерва пейц милиони динари.
Одборнїки принєсли и одлуку о ребалансу буджета за 2018. рок з хтору буджет утвердзени на 1.270.987.400 динари, чечуцу буджетску резерву пейц милиони динари и стаємну резерву три милиони динари.
Принєшена и одлука о вименки одлуки о задлужованю општини з хтору средства зоз кредитного задлуженя иншак прерозподзелєни як цо першобутно одлучене, та средства прерозподзелєни на други капитални проєкти.
СО прилапела Програми дїлованя явних подприємствох хторим снователь за 2019. рок и то ЯКП „Водовод“ „Стандард“, Завод за урбанизем и ЯП „Явне ошвиценє, услуги и отримованє”.
Тиж розришена длужносци директорка Туристичней орґанизациї Кристина Радосавлєвич, хтора задзековала на тоту функцию, а за о. д. директора менована Зорица Ґраховац.
Александар Йованович, о. д. директора „Водоводу“, розришени тей длужносци, а потим є, з нову одлуку, меновани за директора того подприємства.